मुंबईतील भांडुप परिसरातील एका कुख्यात गुंडाने थेट कायद्याला आव्हान दिले आहे. भांडुपमध्ये दहशत माजवणाऱ्या गुंडाच्या वाढदिवसाचे सेलिब्रेशन बघून तुम्ही देखील चक्रावून जाल. या कुख्यात गुंडाने गुन्ह्यांची कलमे लिहिलेला केक कापून आपला वाढदिवस भर चौकात साजरा करत मुंबई पोलिसांनाच आव्हान दिले आहे. जामीनावर बाहेर आलेल्या कुख्यात गुंड झिया अन्सारीचा हा प्रताप आहे. या सराईत गुन्हेगारानी गुन्ह्यांची कलमे लिहिलेला केक कापून दहशत माजवण्याचा प्रयत्न भांडुपमध्ये करण्यात आला आहे. या कुख्यात गुंड झिया अन्सारीचा बर्थडे सेलिब्रेशनचा व्हिडिओ सोशल मीडियावर व्हायरल होत आहे.

यामध्ये गुंड झिया अन्सारी हा एक नाही दोन नाही तर कित्येक केक कापताना दिसतोय. या वायरल व्हिडिओमध्ये अनेक केक दिसत असून प्रत्येक केकवर भांडुप किंग झिया अस लिहुन त्यासोबत प्रत्येक केकवर त्याच्यावर असलेले गुन्ह्यांचे कलम लिहिल्याचे दिसत आहे.