मुंबई: महसूल गुप्तचर संचालनालयाच्या अधिकाऱ्यांनी छत्रपती शिवाजी महाराज आंतरराष्ट्रीय विमानतळावर आज 2 किलो 178 ग्रॅम वजनाचे सुमारे 22 कोटींचे कोकेन एका महिलेकडून जप्त केले आहे. या संदर्भात एका परदेशी महिला प्रवाशाला अटक केली असून त्याच्यावर गुन्हा नोंदवण्यात आला आहे.

चेक इन बॅगेत हे कोकेन सापडले असून संबंधित महिला ही नैरोबी या पूर्व आफ्रिकेच्या केन्या देशातून असल्याचे सांगितले जात आहे. चौकशी करताना हा प्रवासी अस्वस्थ व चिंतित असल्याचे आढळून आले. या महिलेच्या विरोधात अमली पदार्थ प्रतिबंधात्मक कायद्या अंतर्गत गुन्हा दाखल करण्यात आला आहे.तसेच या प्रकरणाचा सखोल तपास करणार सुरू असल्याचे महसूल गुप्तचर विभागाच्या अधिकाऱ्यांनी सांगितले आहे.