मुलंडमध्ये मनसे कार्यकर्त्यांनी एका परप्रांतीयाला चोप दिला आहे. मराठी कुटुंबाला या परप्रांतीयाने अरेरावी केल्याने त्याला चोप देण्यात आला आहे. हा परप्रांतीय मराठी कुटुंबाच्या अंगावर धावून देखील गेला होता. या प्रकरणाचा व्हिडिओ आता समोर आला आहे.

ठाणे येथे राहणाऱ्या मानसी मेगे व त्यांच्या आई मुलुंड येथे बँकेच्या काही कामासाठी आल्या होत्या. काम झाल्यावर मुलुंड पश्चिम येथे फास्ट फूड कॉर्नरवर गेल्या असता, तिथल्या कामगाराने त्यांच्याशी हुज्जत घालत ऐपत नाही तर कशाला खायला आलात इथे ? असा उद्धटपणा करत शिवराळ भाषेचा वापर केला. मुलीने जाब विचारला तर तिच्यावर आरडाओरड केली. मुलीची आई मध्यस्थी करायला गेली असता तिच्या अंगावर घावून आले. अशा प्रकाराने घाबरलेल्या आईने व मुलीने न्याय मिळावा म्हणून मनसे जनसंपर्क कार्यालय गाठले. त्यानंतर मुलुंड मनसेचे पदाधिकाऱ्यांनी फूड कॉर्नरवर जाऊन या कामगाराला मनसे स्टाईलने चोप देऊन ाफी मागायला लावली.