Ladki Bahin Yojana April 2025 update : महाराष्ट्रातील लाडक्या बहि‍णींना एप्रिल महिन्याच्या १५०० रूपयांची प्रतिक्षा आहे. ३० एप्रिल रोजी महिलांच्या खात्यात एप्रिलचा हप्ता येईल, असा अंदाज वर्तवला होता. पण अद्याप तरी लाडकीच्या खात्यावर पैसे आलेले नाहीत. एप्रिल आणि मे महिन्याचे एकत्र ३ हजार रूपये लाडकीच्या खात्यात येणार का? अशीही चर्चा सुरू आहे.

महाराष्ट्र सरकारच्या महत्वाकांक्षी मुख्यमंत्री माझी लाडकी बहीण या योजनेअंतर्गत राज्यातील २१ ते ६५ वयोगटातील विवाहित, विधवा, घटस्फोटित, परित्यक्त्या आणि निराधार महिलांना दरमहा १५०० रुपये आर्थिक मदत दिली जाते. आतापर्यंत २ कोटी ६३ लाख महिलांना जुलै २०२४ ते मार्च २०२५ या कालावधीतील ९ हप्त्यांचे पैसे वितरित झाले आहेत. दरम्यान, एप्रिल हप्त्याच्या वितरणाची नेमकी तारीख आणि इतर माहिती लवकरच जाहीर केली जाईल. लाभार्थी महिलांनी आपले बँक खाते तपासत राहावे आणि कोणत्याही तांत्रिक अडचणी असल्यास नारी शक्ती दूत ॲप किंवा स्थानिक प्रशासनाशी संपर्क साधावा.