कुणाल कामरच्या एकनाथ शिंदेंवरील गाण्यावरून राजकारण तापलं आहे. कुणाल कामरावर कारवाईची मागणी शिंदे गटाकडून केली जात आहे. तर विरोधकांकडून कुणाल कामराच्या गाण्याला समर्थन पाहायला मिळत आहे. दुसरीकडे कुणाल कामराचं गाणं सुषमा अंधारेंनी गाऊन दाखवलं. तर शिंदे गटाच्या ज्योती वाघमारेंनीही दुसरं गाणं गाऊन प्रत्युत्तर दिलं आहे. काँग्रेसच्या नेत्या संगिता तिवारी यांनीही गाणं गाऊन दाखवलं.

रुपाली ठोंबरे काय म्हणाल्या?

कुणाल कामराची कविता ऐकल्यावर शिवसैनिकांनी स्टूडिओ फोडणं योग्य नाही, त्यांनी सयंम बाळगायला हवा होता, असं म्हणत अजित पवार गटाच्या नेत्या रुपाली पाटील ठोंबरे यांनी महायुतीला घरचा आहेर दिला आहे. कामरा सारख्या स्टँडअप कॉमेडियनवर सत्ताधाऱ्यांनी बोलू नये. त्याच्या कवितेला भाव देण्याची गरज नसल्याचं मतही त्यांनी व्यक्त केलंय. कोणीही यावं आणि राजकारणावर बोलावं आणि आपण उत्तर द्यावं, हे योग्य नसल्याचं त्यांनी म्हटलंय.