पुणे शहरातील विद्यार्थ्यांनी महाराष्ट्र लोकसेवा आयोगाच्या (MPSC) कार्यपद्धतीवर नाराजी व्यक्त केली आहे. डिसेंबर 2023 मध्ये जाहीर झालेली परीक्षा डिसेंबर 2024 मध्ये झाली. मात्र, आर्थिक मागास प्रवर्ग (EWS) आणि सामाजिक व शैक्षणिकदृष्ट्या मागास प्रवर्गातील (SEBC) विद्यार्थ्यांच्या निकालासंदर्भात अनेक शंका उपस्थित झाल्या आहेत.

या संदर्भात विद्यार्थ्यांनी आयोगावर प्रश्नचिन्ह उपस्थित करत आपली भूमिका मांडली आहे. त्यांच्या मते, या गोंधळामुळे त्यांचे शैक्षणिक नुकसान होत आहे. निकालात झालेल्या अनियमिततेमुळे अनेक पात्र विद्यार्थी वंचित राहण्याची शक्यता आहे. तसेच वेळेत प्रक्रिया पूर्ण न झाल्यामुळे पुढील शैक्षणिक किंवा स्पर्धा परीक्षांची तयारीही खोळंबते.

विद्यार्थ्यांनी आयोगाने अधिक पारदर्शक व नियोजित पद्धतीने काम करावे, अशी मागणी केली आहे.