MPSC Exam News Update : महाराष्ट्र लोकसेवा आयोग अर्थात MPSC ची परीक्षा देणाऱ्यांसाठी अतिशय महत्त्वाची बातमी समोर आली आहे. एमपीएससी परीक्षेद्वारे शासकीय सेवेत रुजू होणाऱ्या उमेदवारांसाठी भरती प्रक्रियेत एक मोठा आणि निर्णायक बदल करण्यात आला आहे.

आता उमेदवारांच्या कागदपत्रांची पडताळणी मुलाखतीच्या वेळी न करता, अर्ज सादर करण्यापूर्वीच केली जाणार आहे. यामुळे अनेकदा खोट्या प्रमाणपत्रांच्या आधारे नोकरी मिळवणाऱ्या प्रकरणांना आळा बसेल, असे म्हटले जातेय. 'एमपीएससी'ने या संदर्भात नुकतेच परिपत्रक प्रसिद्ध केलं आहे. पदभरतीच्या प्रक्रियेत अनेक उमेदवार विविध आरक्षणाचे दावे करतात. यापुढे अशा प्रत्येक दाव्यासाठी अर्ज करतानाच पुरावा देणे बंधनकारक असणार आहे.