राज्यात विधानसभा आणि लोकसभा निवडणूक झाल्यानंतरही ऑपरेशन टायगर आणि ऑपरेशन लोटस जोरदार सुरू असल्याचे दिसत आहे. विरोधी पक्षाचे अनेक दिग्गज नेते हे महायुती गळाला लावण्याचा प्रयत्न करत आहे. अशातच आज चंद्रकांत पाटील यांनी सांगलीचे अपक्ष खासदार विशाल पाटील यांना भाजपमध्ये येण्याची खुली ऑफर दिली.

यानंतर खासदार विशाल पाटील यांनी पत्रकार परिषद घेऊन या ऑफरवर प्रतिक्रिया दिली आहे.ते म्हणाले, मी ज्या पद्धतीने संसदेत प्रश्न मंडतोय, कदाचित ही कामाची पद्धत चंद्रकांत दादांना आवडली असेल. मला सतत भाजप प्रवेशाची ऑफर येत असेल तर मी चांगल काम करतोय असे मी समजतो, पण भाजपमध्ये जाण्याबाबत मी कोणताही विचार करत नाही. मी आता कायद्यानेच दुसऱ्या कोणत्याही पक्षात जाऊ शकत नाही.