नीती आयोगाच्या बैठकीसाठी मुख्यमंत्री एकनाथ शिंदे हे राजधानी नवी दिल्ली मध्ये आले आहेत. सकाळपासून ही बैठक सुरु होती, 4 वाजता ही बैठक संपली तेव्हा श्रीकांत शिंदे यांच्या मीनाबागेतील निवासस्थानी मुख्यमंत्री पोहचले. त्यानंतर सातारा लोकसभा मतदारसंघाचे खासदार उदयनराजे भोसले हे मुख्यमंत्र्यांची भेट घेण्यासाठी या ठिकाणी दाखल झाले. मीनाबागेत दोन्ही नेत्यांमध्ये भेट झाली, मात्र भेटीचं कारण अजूनही गुलदस्त्यात आहे. विधानसभा निवडणुकीच्या पार्श्वभुमीवर या भेटीत चर्चा झाल्याची शक्यता देखील वर्तवली जात आहे.