ओंकार कदम, साम प्रतिनिधी

खासदार उदयनराजे भोसले यांचे अविचल नेतृत्व, सार्वजनिक सेवेतील समर्पण आणि समाजातील महत्त्वपूर्ण योगदानाबद्दल, छत्रपती शिवाजी महाराजांचे थेट 13 वे वंशज या नात्याने त्यांचा पराक्रम, दूरदृष्टी आणि सामाजिक उन्नतीसाठी बांधिलकीचा वारसा पिढ्यानपिढ्या प्रेरणा देत आहे. मराठा साम्राज्याचा अभिमान, वारसा आणि मूल्ये जपण्यासाठी त्यांनी केलेल्या अथक प्रयत्नांचा समाजावर कायमस्वरूपी प्रभाव पडला आहे.

त्यांच्या अनुकरणीय सेवेबद्दल आणि अभिमानाने उदात्त पदासाठी 3 मार्च 2025 रोजी अमेझिंग ऑलंम्पिया कॅनडा बुक ऑफ वर्ल्ड रेकॉर्ड यांच्यातर्फे डॉक्टरेट ही पदवी देवून सन्मानित करण्यात आले आहे. यादरम्यान जान्हवी इंगळे या युवतीचा देखील अमेझिंग ऑलंम्पिया कॅनडा बुक ऑफ वर्ल्ड रेकॉर्डमध्ये योगासनामध्ये 12 विश्वविक्रम केल्याबद्दल खा.उदयनराजे यांनी सन्मान केला.