स्वराज्याची राजधानी असलेल्या किल्ले रायगडावर 351 वा शिवराज्याभिषेक साजरा होत आहे. दोन दिवस साजरा होणाऱ्या सोहळ्याला याची देही याची डोळा पाहण्यासाठी शिवप्रेमींनी रेकॉर्ड ब्रेक गर्दी केली आहे. काल संध्याकाळी गडावरील विविध देवी देवतांचे पूजन, मर्दानी खेळांनी या सोहळ्याला प्रारंभ झाला. तर आता काही वेळात प्रत्यक्ष शिवराज्याभिषेक सोहळा साजरा होणार आहे. पारंपारीक वेशभूषा परीधान करून शिवप्रेमी पर्यटक मोठ्या प्रमाणात या सोहळ्याला आले आहेत. यावेळी खासदार शाहू महाराज यांनीही शिवराज्याभिषेक सोहळ्यावर मोठी प्रतिक्रिया दिली आहे.