उद्धव ठाकरे यांच्या भेटीनंतर आता खासदार संजय राऊत हे शरद पवार यांच्या भेटीसाठी पोहोचले आहेत. जागावाटपाचा मुद्दा आणि कॉंग्रेससोबतचा तिढा यासंदर्भात ते आता शरद पवार यांच्याशी चर्चा करणार असल्याचं सांगण्यात येत आहे.

विधानसभा निवडणुकीच्या अनुषंगाने राज्यात राजकीय घडामोडी घडत असून जागावाटपाचा तिढा सोडवण्यासाठी सर्व पक्षांकडून प्रयत्न सुरू झाले आहेत. याच पार्श्वभूमीवर महाविकास आघाडीत जागावाटपावरून वादंग निर्माण झाले असून ठाकरे गट आणि कॉंग्रेसमध्ये चंगलीच जुंपलेली बघायला मिळत आहे. एकीकडे महायुतीकडून उमेदवारांच्या याद्या जाहीर होण्यास सुरुवात झालेली असताना महाआघाडीत अद्याप जागावाटप पूर्ण झालेले नाही. त्याच अनुषंगाने आज खासदार संजय राऊत हे उद्धव ठाकरे यांची भेट घेण्यासाठी गेले होते. त्यांची भेट झाल्यानंतर आता राऊत हे शरद पवार यांच्या निवासस्थानी पोहोचले असून तेथे ते पक्षातील जागावाटप आणि कॉंग्रेससोबतच्या विवादावर पवार यांच्याशी चर्चा करणार असल्याचं सूत्रांकडून सांगण्यात आलं आहे.

Edited By Rakhi Rajput