छत्रपती संभाजीनगर शहरातील पश्चिम विधानसभा मतदारसंघातून आज शिवसेनेचे संजय शिरसाठ यांनी आपला उमेदवारी अर्ज दाखल केला. उमेदवारी अर्ज दाखल करण्यापूर्वी त्यांनी क्रांती चौकातून रॅली काढली. या रॅलीमध्ये शिवसेनेचे पदाधिकारी कार्यकर्ते मोठ्या संख्येने सहभागी झाले होते. शिवाय खासदार संदिपान भुमरे हेही त्यांच्यासोबत उपस्थित होते. यावेळी संदिपान भुमरे यांनी जे लोकसभेला झालं तेच विधानसभेला होईल, विजय आमचाच असेल असा विश्वास व्यक्त केला. त्याचबरोबर ठाकरे गटाकडून देखील आज मोठ्या प्रमाणात शक्तीप्रदर्शन करून अर्ज भरण्यात आला. त्यावरही भूमरे यांनी प्रतिक्रिया देत आम्हाला शक्तीप्रदर्शनाची गरज नाही. जनतेचा आणि यांच्या कार्यकर्त्यांचा आम्हाला पूर्ण पाठिंबा आहे. संभाजीनगरमध्ये आम्हीच विजयी होऊ असंही भूमरे यांनी म्हंटलं आहे.

Edited By Rakhi Rajput