दिवसेंदिवस वाढत चाललेल्या महागाईने जनता ही होरपळून निघाली आहे. अशातच केंद्र सरकारने जनतेचा विचार न करता खासदारांना मोठी भेट दिली आहे. खासदारांच्या पगारात मोठी वाढ केली असून इतर भत्ते आणि माजी खासदारांच्या पेन्शनमध्ये देखील वाढ केली आहे. संसदीय कामकाज मंत्रालयाने सोमवारी एक निविदा काढली या निविदेनुसार, लोकसभा आणि राज्यसभेच्या सदस्यांचा पगार एक लाख रुपयावरून एक लाख 24 हजार रुपये प्रति महिना झाला आहे. त्याचबरोबर दैनिक भत्ता 2000 रुपयावरून 2500 रुपये करण्यात आला आहे. त्याचप्रमाणे माजी खासदारांना मिळणाऱ्या पेन्शनमध्ये पण वाढ झाली आहे. पूर्वी माजी खासदारांना 25 हजार रुपये पेन्शन मिळत होती. ती आता 31 हजार रुपये प्रति महिना मिळणार आहे.