राज्यात सध्या परतीच्या पावसाने चांगलाच धुमाकूळ घातला आहे. मराठवाडा, विदर्भ तसेच कोकणात पावसाच्या जोरदार सरी कोसळत आहेत. सोमवारी (ता. २३) रात्रीच्या सुमारास सिंधुदुर्ग जिल्ह्यात विजांच्या कडकडाटासह तुफान पावसाने हजेरी लावली. वैभववाडी तालुक्यातील भुईबावडा या घाट परिसरात सुमारे तीन तास ढगफुटीसदृश्य पाऊस झाला.

घाटात दरड कोसळल्याने रस्ता बंद झाला. दुसरीकडे भुईबावडा घाटात पावसामुळे दरड कोसळल्याची घटना घडली. त्यामुळे वैभववाडी तालुक्याच्या हद्दीत दरड कोसळून हा रस्ता बंद झाला. दुसरीकडे गगनबावडा येथील काही घरांमध्ये पाणी शिरल्याची माहिती येथील प्रशासकीय अधिकाऱ्यांनी दिली. दरम्यान, पुढील दोन दिवस कोकणाला पावसाचा यलो अलर्ट जारी करण्यात आला आहे.