सध्या राज्यभरात जोरदार पाऊस सुरू आहे. उन्हाळ्या दरम्यान डोंगर दरीमध्ये असलेली झाडी, झुडपी ही नाहीशी झाली होती. मात्र सततची संततधार सुरू असल्याने निसर्गाचे सौंदर्य दाटून आले आहे.

नंदुरबार जिल्ह्यात गेल्या आठवड्याभरापासून पडत असलेल्या मुसळधार पाऊस पावसामुळे सातपुड्याचे नैसर्गिक सौंदर्य खुललं असून सातपुड्यातील अनेक लहान-मोठे धबधबे प्रवाहित झाले आहे. त्यातीलच एक तळोदा तालुक्यातील सातपुड्याच्या कुशीत असलेल्या वाल्हेरी धबधबा सध्या पर्यटकांना आकर्षित करत आहेत पसरलेले धबधबे आणि वर्षा पर्यटनाचा आनंदासाठी महाराष्ट्र गुजरात यासह मध्य प्रदेश राज्यातील पर्यटक सध्या सातपुड्यात दाखल होत आहेत. रविवारच्या सुट्टी असल्या कारणाने वाल्हेरी धबधब्यावर सध्या पर्यटकांची चांगलीच गर्दी पाहायला मिळत आहे.