गुढीपाडवा मेळाव्यानंतर मनसे पुन्हा एकदा मराठीच्या मुद्द्यावर चांगलीच आक्रमक झाली आहे. मनसे प्रमुख राज ठाकरे यांनी गुढीपाडवा मेळाव्यामध्ये मुंबईतील सर्व बँकांमध्ये जाऊन मराठीचा वापर होतोय का नाही असे यांची चौकशी मनसैनिकांनी करावी असे आदेश राज ठाकरेनी दिले होते . यावरच मनसैनिक मुंबईतल्या ठिकठिकाणी बँकात जाऊन अधिकाऱ्यांना आवाहन करत आहे आणि जर मराठीचा वापर झाला नाही तर मनसे स्टाईलने त्याचे उत्तर दिले जाईल असा देखील इशारा देण्यात येत आहे. यावरच गुणरत्न सदावर्ते यांनी प्रतिक्रिया दिली आहे.

मी मराठी, हिंदी, इंग्रजीत बोलेल मेरी मर्जी! त्यामुळे भाषांना कोणीही प्रतिबंध आणू शकणार नाही बॅरिकेटिंग करू शकणार नाही. भाषा असू शकते अर्जबाजाराची. भाषा हीच बोलले पाहिजे तीच बोलले पाहिजे अशी सक्ती असू शकत नाही हे याबाबत आम्ही माननीय आयुक्तांना निवेदन दिले असून कारवाई करणार असल्याचे देखील त्यांनी सांगितले आहे. तसेच यानंतर मनसे प्रवक्ते योगेश खैरे आणि गुणरत्न सदावर्ते यांच्यातील ऑडिओ क्लिप व्हायरल होत आहे. यामध्ये दोघांमध्ये बाचाबाची झाली आहे, मात्र, या ऑडिओ क्लिपची साम टीव्ही पुष्टी करत नाही.