मनोज जैस्वाल, साम टीव्ही, प्रतिनिधी

वाशिमधून महत्त्वाची माहिती समोर आली आहे. वाशिमच्या तोंडगाव टोल नाक्यावर महाराष्ट्र नवनिर्माण सेनेच्या कार्यकर्त्यांकडून तोडफोड करण्यात आली. टोल नाक्यावर योग्य सुविधा नसल्याचा आरोप करत मनसे कार्यकर्त्यांनी संताप व्यक्त केला. याचा निषेध नोंदवत कार्यकर्त्यांनी टोल नाक्याची तोडफोड केली. या घटनेनंतर परिसरात काही काळ तणावाचे वातावरण निर्माण झाले होते.

अकोला-नांदेड महामार्गावरील वाशिम जिल्ह्यातील तोंडगाव टोल नाक्यावर मनसेच्या कार्यकर्त्यांनी तोडफोड केली. सुविधा नसताना टोल वसून केला जातो असे म्हणत त्यांनी निषेध नोंदवला आणि तोडफोड केली. याच दरम्यान कार्यकर्त्यांनी कनेरगावपर्यंतचा रस्ता पूर्ण करण्यात आलेला नाही यावरूनही रोष व्यक्त केला. या प्रकरणी पोलीस प्रशासनाकडून तपास सुरु करण्यात आला आहे.