नालासोपाऱ्यात शाळा संचालिकेला मारहाण झाल्याची घटना घडली आहे. दहावी उत्तीर्ण विद्यार्थ्यांना दाखला न दिल्याने मनसेच्या महिला कार्यकर्त्यांनी शाळा संचालिकेला मारहाण केल्याची माहिती मिळत आहे. मनसे कार्यकर्त्यांनी शाळेत गोंधळ आणि तोडफोड केली. यावेळी शाळेत आलेल्या मनसेच्या महिला कार्यकर्त्यांना शाळा संचालिकेनेही चप्पल फेकून मारली. त्यानंतर मनसेच्या महिला कार्यकर्त्यांनी शाळा संचालिकेला मारहाण केल्याचे व्हिडिओमध्ये दिसत आहे.

शाळा संचालिकेने काय सांगितलं?

'आम्ही सांगतो होतो की, आम्ही विद्यार्थ्यांना घरी निकाल देऊ शकतो. त्यांच्या घरी निकालाची प्रत पाठवू शकत नाही. मनसेचा गोंधळाची आम्हाला कल्पना नव्हती. ११ वीच्या विद्यार्थ्याला शाळा सोडल्याचा दाखला हवा होता. यासाठी आमच्या शिक्षकांनी त्यांना अर्ज घेऊन या, आम्ही शाळा सोडल्याचा दाखला देतो, असं सांगितलं. त्यानंतर दुसऱ्या दिवशी मनसे कार्यकर्त्यांनी तोडफोड केली आहे. मला देखील मारहाण केली, असे शाळा संचालिकेने सांगितलं.