मनसेच्या पारंपारिक दीपोत्सवाला आजपासून सुरुवात होत आहे. आज संध्याकाळी साडेसहा वाजता या दीपोत्सवाचा शुभारंभ शुभारंभ ठाकरे सेनेचे प्रमुख उद्धव ठाकरे यांच्या हस्ते होणार आहे. या सोहळ्याला मनसे प्रमुख राज ठाकरे उपस्थित राहणार आहेत. दोन्ही ठाकरे बंधू एका व्यासपीठावर दिसणार असल्याने हा कार्यक्रम राजकीयदृष्ट्या अत्यंत महत्त्वाचा ठरणार आहे. अनेक वर्षांनंतर ठाकरे बंधूंची अशी उपस्थिती पाहायला मिळणार असल्याने राज्याच्या राजकीय वर्तुळात चर्चांना उधाण आलं आहे. मागील गेले अनेक वर्ष मनसे शिवाजी पार्क परिसरात दीपोत्सव साजरा करत आहे. दापोत्सव हा मनसेचा पारंपरिक सांस्कृतिक उपक्रम असून, यंदा तो राजकीयदृष्ट्याही विशेष रंग घेणार असल्याचं दिसत आहे.