महाराष्ट्र नवनिर्माण सेनेचे अध्यक्ष राज ठाकरे यांच्या सुरक्षेत वाढ करण्यात आली असून त्यांच्या मुंबईतील 'शिवतीर्थ' या निवासस्थानाबाहेर अतिरिक्त पोलीस बंदोबस्त तैनात करण्यात आला आहे. सूत्रांनी दिलेल्या माहितीनुसार, राज ठाकरे सध्या जे मुद्दे उचलत आहेत. त्यामुळे कोणताही तणाव निर्माण होऊ नये. यासाठी ही सुरक्षा वाढवण्यात आली आहे. काही दिवसांपूर्वी उत्तर भारतीय विकास मंचाने त्यांच्या घराबाहेर लावलेल्या बोर्डमुळे संघर्ष वाढू नये, यासाठी खबरदारीचा उपाय म्हणून सुरक्षा वाढवण्यात आल्याचेही बोलले जात आहे. यापूर्वी राज ठाकरे आणि वरिष्ठ पोलीस अधिकाऱ्यांमध्ये एक बैठक झाली होती. जी सुरक्षेच्या कारणास्तव महत्त्वाची मानली जात आहे. याच पार्श्वभूमीवर हा निर्णय घेण्यात आल्याची माहिती समोर येत आहे.