शाळांमध्ये हिंदी भाषा शिकवण्यास विरोध करत मनसे अध्यक्ष राज ठाकरे यांनी घेतलेल्या पत्रकार परिषदेच्या पार्श्वभूमीवर मुंबईत मनसैनिक आक्रमक झाले आहेत. विशेषतः भांडुप आणि कांजूरमार्ग परिसरात मनसैनिकांनी विविध पुस्तक विक्री करणाऱ्या दुकानांमध्ये जाऊन शालेय शिक्षणातील हिंदी भाषेची पुस्तके शोधून ती फाडून टाकली आणि जाळली.

या कारवायेदरम्यान मनसैनिकांनी दुकानदारांना शालेय शिक्षणातील हिंदी भाषेची पुस्तके विक्रीसाठी ही ठेवू नये अशी ताकीद दिली. राज ठाकरे यांनी पत्रकार परिषदेत हिंदी सक्तीविरोधात रोष व्यक्त केल्यानंतर लगेचच हे आंदोलन करण्यात आले. मनसेच्या या भूमिकेमुळे राज्यात शिक्षणातील भाषिक धोरणावर नव्याने राजकीय वादळ उठण्याची शक्यता आहे.