मुंबई :

पनवेलजवळील नूडल्स बनवणाऱ्या कारखान्यावर मनसेने पुन्हा एकदा धाड मारली. काही दिवसांपूर्वी देखील मनसेने धाड टाकत या कारखान्याचा पर्दाफाश केला होता. मंगळवारी मध्यरात्री मनसे कार्यकर्त्यांनी पुन्हा नुडल्स निर्मितीच्या कारखान्यावर धाड टाकली. अतिशय घाणेरड्या जागेत, बुरशीजन्य पिठाच्या माध्यमातून हे नूडल्स बनवले जातं असल्याचे समोर आलं आहे. या कारखान्यावर कठोर कारवाई करण्याची मागणी मनसेतर्फे करण्यात आलं आहे.

मिळालेल्या माहितीनुसार, कामोठ्यामधील कुमार फुड प्रोडक्ट्स ही रेड चिली सॉस, सोया सॉस बनवणारी खाद्य कंपनी ग्राहकांच्या जिवाशी खेळत असल्याचं समोर आलं आहे. मनसेने कंपनीतील नुडल्स निर्मितीचे घाणेरडे वास्तव समोर आलं आहे. एफडीएने या कंपनीवर कारवाई केली नसल्याचा मनसेचा आरोप आहे. एफडीएच्या कोणत्या अधिकाऱ्यांच्या आशीर्वादाने पुन्हा रात्रीच्या अंधारात नुडल्स निर्मिती सुरू आहे? असा सवाल मनसेने उपस्थित केला आहे.