आगामी विधानसभा निवडणुकांसाठी महाराष्ट्र नवनिर्माण सेनेने जोरदार मोर्चेबांधणी सुरू केली आहे. आज मुंबईमध्ये मनसेचा राज्यस्तरीय मेळावा पार पडला. या मेळाव्यात बोलताना मनसे अध्यक्ष राज ठाकरे यांनी आगामी विधानसभा निवडणुकांच्या पार्श्वभूमीवर महत्वाचे विधान केले. विधानसभेला २२५ ते २५० जागा लढवणार असल्याचे म्हणत राज ठाकरे यांनी स्वबळाचा नारा दिला. तसेच काहीही करुन सत्तेत येणार आहे. तयारीला लागा असे आदेशही त्यांनी पक्षाच्या पदाधिकाऱ्यांना दिले. यावेळी त्यांनी पक्षातील आयाराम- गयारामांवरही टीका करत जावा, वाटोळं करुन घ्या असा टोला लगावला.