महाराष्ट्र नवनिर्माण सेनेचे प्रमुख राज ठाकरे यांची तोफ लातूरमध्ये (Latur) धडाडली. सध्याच्या राजकीय परिस्थितीवर त्यांनी भाष्य केलं. या जातीचा म्हणून याला मिळालं पाहिजे, तो त्या जातीचा म्हणून त्याला नाही मिळालं पाहिजे, ही कुठली बुद्धी. कशात पडतोय आपण, असा सवाल त्यांनी केला. मी विश्वासाने सांगतोय. फक्त तुमच्यासाठी, एकट्या मराठवाड्यासाठी सांगत नाही. अख्ख्या महाराष्ट्राला माझं सांगणं आहे, या राज ठाकरेच्या हातात एकदा सत्ता देऊन बघा. मी विनाकारण काही बोलत नाही. मी सत्ता न पाहिलेला माणूस नाही. मी सत्ता पाहिलीय. मला खुर्चीची अभिलाषा नाही, असं राज ठाकरे (Raj Thackeray) म्हणाले.

महाराष्ट्रातील एकही तरूण-तरुणी ही हाताला कामाविना राहणार नाही. हे सहज शक्य आहे, असं सांगतानाच त्यांनी बेरोजगारीच्या (Unemployment) मुद्द्याकडे लक्ष वेधले. माझा जाहीरनामा आता येणार आहे. ज्या गोष्टी शक्य आहेत, तेवढ्याच गोष्टी माझ्या जाहीरनाम्यात असतील, असं त्यांनी सांगितलं.