Ajit Pawar Group News: आत्ताच्या क्षणाची सर्वात मोठी बातमी हाती येतीये. अजित पवार गटातील पाच ते सहा आमदार जयंत पाटलांच्या भेटीला गेले होते. शरद पवार गटाचे प्रदेशाध्यक्ष जयंत पाटील यांची अजितदादा गटाच्या पाच ते सहा आमदारांनी आज भेट घेतलीये अशी माहिती सूत्रांनी दिलीये. या आमदारांनी विधानभवनातल्या एका खोलीमध्ये त्यांची भेट घेतलीये. पश्चिम महाराष्ट्रातल्या चार ते पाच आमदारांनी भेट घेतल्याची माहिती आहे. अजितदादा गटाचे आमदार शरद पवार गटाच्या संपर्कात? अशी चर्चा आता सगळीकडे सुरूये. अजितदादा यांच्या गटातल्या आमदारांनी थेट प्रदेशाध्यक्ष जयंत पाटील यांची भेट घेतल्याने चर्चांना उधाण आलंय.