पुणे: फॉरच्युनर गाडीने दुचाकीस्वाराला चिरडल्याचा धक्कादायक प्रकार घडला आहे. अजित पवार गटाचे आमदार दिलीप मोहितेंच्या पुतण्याने बेदरकारपणे कार चालवत दुचाकीस्वाराला चिरडले. मयुर मोहिते असं आमदाराच्या पुतण्याचं नाव आहे. या अपघातात दुचाकीस्वाराचा जागीच मृत्यु झाला आहे. पुणे नाशिक महामार्गावर हा अपघात झाला असून १९ वर्षीय दुचाकीस्वाराचा जागीच मृत्यु झाला आहे. मयुर मोहिते हा रस्त्याच्या विरुद्ध दिशेन गाडी चालवत येत असल्याकारणाने हा अपघात झाला आहे. या घटनेचा व्हिडीओ समोर आला आहे.