आनंद दिघे यांना मारलं गेलं आहे. हे ठाणे जिल्ह्याला माहीत आहे, असा गंभीर आरोप आमदार संजय शिरसाट यांनी केला आहे. ज्या हॉस्पिटलमध्ये दिघेंवर उपचार सुरू होते, ते हॉस्पिटल कायम बंद का करण्यात आलं, असा सवालही शिरसाट यांनी केला आहे. त्यामुळे दिघेंचा मृत्यू का झाला, याची चौकशी करण्याची मागणी शिरसाट यांनी केली आहे. संजय शिरसाठ यांनी शनिवारी पत्रकार परिषदेत आनंद दिघे यांच्या मृत्यू प्रकरणात गंभीर आरोप केले आहेत. ठाण्यात प्रत्येक जण दिघे यांचा घातपात झाल्याचा आरोप करतात. दिघे यांना डिस्चार्ज दिला जाणार होता. मात्र डिस्चार्ज द्यायच्या आधीच त्यांचा मृत्यू कसा झाला, असा सवाल शिरसाठ यांनी केला आहे.

तर त्यांच्या या विधानावर आनंद दिघे यांचे पुतणे आणि ठाकरे गटाचे नेते केदार दिघे यांनी यावर प्रतिक्रिया देताना, 'निवडणुका सुरू झाल्या की असं बोललंच जात असं म्हणत, पुरावे असतील तर समोर आणा मी स्वत: कोर्टात जाईल', असं म्हंटलं आहे.