''जो पैसे देईल त्याला उमेदवारी मिळेल, पदही मिळेल, असं काम ठाकरेंच्या गटात चालतं,'' असे गंभीर आरोप शिंदे गटाचे आमदार संजय शिरसाट यांनी उद्धव ठाकरे यांच्या शिवसेनेवर लावले आहेत. यावेळी बोलताना शिरसाट यांनी, ''राजकीय वर्तुळातील सर्व नेत्यांना माहित आहे की, उबाठा गटामध्ये उद्धव बाळासाहेब ठाकरे यांची अवस्था संभ्रमीत आहे. त्याचा फायदा पक्षातील इतर नेते घेत आहेत. पक्षातील काही महिला नेत्यांवर तर जाहीरपणे पत्रकार परिषद घेवून जाहीर आरोप करण्यात आले होते.'' असंही म्हंटल आहे.

''शिवसैनिकाला माहिती आहे की आता त्यांना कोणतं तिकीट मिळेल, पद मिळेल अशी अशा उरलेली नाही. उद्धव ठाकरे यांच्या पक्षात फक्त नगद नारायणच काम उरलेल आहे. त्यामुळे माल दो, तो दाम मिलेगा या उबाठा गटाच्या भूमिकेला आगामी काळात फटका बसणार आहे. '' असंही शिरसाट यांनी म्हंटल आहे.