दिपावलीची खरेदी फक्त हिंदूंकडूनच करावी, जेणेकरून नफा फक्त हिंदूंनाच मिळायला हवा, असं वक्तव्य आमदार संग्राम जगताप यांनी हिंदू जनआक्रोश मोर्चात केले. दिवाळीनिमित्त नागरिकांनी खरेदी करत असताना हिंदू लोकांच्याच दुकानातून भरभरून खरेदी करावी. आपल्या दीपावली खरेदीचा नफा केवळ हिंदू लोकांनाच मिळायला हवा, असे जगताप म्हणाले. तसेच सध्या हिंदू मंदिरात अथवा हिंदूंवर होणारे हल्ले हे मशिदीमधून घडत आहेत, असेही ते म्हणाले.

करमाळा येथे हिंदू जनआक्रोश मोर्चा काढण्यात आला. या मोर्चामध्ये आमदार संग्राम जगताप आमदार, अमोल खताळ हे उपस्थित होते. या मोर्चात फुलांचीही उधळण करण्यात आली.