याकडे मी कौटुंबिक प्रसंगातून पाहते. शरद पवार यांना वयाची 85 वर्ष पूर्ण होत असून त्यांच्या आयुष्यातील हा महत्त्वाचा टप्पा आहे. त्यामुळे मनातील समज - गैरसमज विसरून शुभेच्छा देण्यासाठी अजितदादा आले असतील तर त्याबाबत वेगळे काही मला वाटत नसल्याची भावना आमदार रोहित पवार यांच्या आई सुनंदा पवार यांनी उपमुख्यमंत्री अजित पवार यांच्या शरद पवार यांच्याशी झालेल्या दिल्लीतील सहकुटुंब भेटीबद्दल व्यक्त केली आहे.

यावेळी पुढे बोलताना त्यांनी म्हटलं की, राष्ट्रवादी काँग्रेस पक्षाचे दोन्ही गट एकत्र येण्याबाबत मी काही सांगू शकत नाही. मात्र हे दोन्ही गट एकत्र यावे अशी भावना कार्यकर्त्यांची आहे. मी मागील 35 वर्षांपासून सामाजिक क्षेत्रात कार्यरत आहे. शरद पवार साहेब हे साठ वर्षे राजकारणात असून त्यांना चाणक्य म्हटले जाते, त्यांच्या मनात काय आहे हे पत्नीला देखील समजत नाही. सर्व कुटुंबात मतभेद असतात असे एकही कुटुंब राज्यात नाही की ज्यात वाद नाही. मात्र, भविष्यात वाद विसरून सर्वांनी एकत्रित यावे अशी भावना माझी आहे, असंही त्यांनी यावेळी बोलताना म्हंटलं आहे.