मंत्री तानाजी सावंत राज ठाकरे यांच्या भेटीला शिवतिर्थावर दाखल झाले. तानाजी सावंत यांनी राज ठाकरे यांची भेट का घेतली? याचं कारण अद्यापही बंद गुलदस्त्यात आहे. राज ठाकरे यांनी मोंदींसाठी महायुतीला बिनशर्त पाठिंबा दिला होता. तेव्हापासुन महायुतीतले अनेक महत्वाचे नेते राज ठाकरेंच्या भेटीला आले आहेत. मुख्यमंत्री एकनाथ शिंदे यांनी शिवसेनेच्या आमदारांची मुंबई येथे बैठक बोलावली होती. याच बैठकीला तानाजी सावंत देखील उपस्थित होते. त्यानंतर तानाजी सावंत राज ठाकरे यांची भेट घेण्यासाठी शिवतिर्थावर दाखल झाले. या भेटीत विधानसभा निवडणुकांसंदर्भात चर्चा होणार असल्याचं सांगण्यात येत आहे.