महायुती सरकारच्या मंत्रिमंडळाचा विस्तार झाला असला तरी अद्याप खाते वाटप मात्र झालेले नाही. याबाबत आता भरत गोगावले यांनी आता मोठा दावा केला आहे. खाते वाटपावरून कॅबिनेट मंत्री गोगावले यांनी हा दावा केला आहे. महायुती सरकारचं खाते वाटप आजच जाहीर होईल असं मोठं विधान भरत गोगावले यांनी माध्यमांशी बोलताना केलं आहे. एवढंच नाही तर खातेवाटपात कोणाला कोणतं खातं द्यावं यावर कोणाचीही हरकत नसल्याचंही त्यांनी म्हटलं आहे. तिन्ही नेत्यांनी मिळून खाते वाटपाचा निर्णय घेतला आहे. तिन्ही नेत्यानी जे ठरवलं असेल ते आम्हाला मान्य आहे, असं देखील मंत्री गोगावले यांनी म्हंटलं आहे. त्यामुळे आता महायुतीत असलेला खातेवाटपाचा तिढा सुटला असल्याचं तूर्तास तरी बघायला मिळत आहे.