रुपेश पाटील, साम टीव्ही

बोईसर: येथील तारापूर एमआयडीसीमध्ये एमडी ड्रग्स तयार करणाऱ्या कारखान्यावर मुंबई पोलिसांनी छापा टाकला असून यात लाखो रुपयांचा मेफोड्रेन नावाचं ड्रग्स जप्त करण्यात आल आहे. या प्रकरणात अंधेरी पोलिसांनी तीन जणांना अटक केली आहे. मुंबईच्या अंधेरी पोलिसांनी मागील आठवड्यात एका कार चालकाला दोन लाख 80 हजार रुपये किमतीच्या 71 ग्राम मेफेड्रोन ड्रग्स सह ताब्यात घेतलं होतं. त्यानंतर या प्रकरणाचा अधिक तपास करताना याचे धागेद्वारे थेट पालघरच्या बोईसर तारापूर एमआयडीसी पर्यंत पोहोचले असून बोईसर एमआयडीसीतील प्रोकेम फार्माक्यूटिकल नामक कंपनीत एका रसायनशास्त्र पदवीधराकडून हे ड्रग्स तयार केले जात असल्याचे उघड झाले आहे. या प्रकरणात पोलिसांनी आतापर्यंत अकरा लाख वीस हजार रुपये किमतीचं 280 ग्रॅम मेफेड्रोन आणि हे ड्रग्स तयार करण्यासाठी वापरण्यात येणारा कच्चामाल जप्त केला आहे .