दादरच्या शिवाजी पार्क परिसरातील मीनाताई ठाकरे स्मृती स्थळावर अज्ञातांनी लाल रंग फासल्याची धक्कादायक घटना घडली आहे. या प्रकारामुळे परिसरात तणावपूर्ण शांतता निर्माण झाली असून शिवसैनिकांमध्ये तीव्र संताप व्यक्त केला जात आहे.घटनेची माहिती मिळताच स्थानिक पोलिसांनी तातडीने घटनास्थळी धाव घेतली. परिसरात कडेकोट बंदोबस्त तैनात करण्यात आला आहे. दरम्यान, अज्ञात व्यक्तींचा शोध सुरू असून, पोलीस या प्रकरणाचा तपास करत आहेत.या घटनेनंतर परिसरात राजकीय वातावरण तापले असून, स्मृती स्थळाचा अपमान करणाऱ्यांविरोधात कठोर कारवाईची मागणी होत आहे. पुढील घडामोडींवर घडामोडींवर सर्वांचे लक्ष केंद्रीत झाले आहे.