रत्नागिरी : मुंबई गोवा महामार्गावरील सोनगिरी संगमेश्वर येथे मुंबई-गोवा महामार्गावरील वाहतूक ठप्प झाली आहे. महामार्गाचे काम सुरू असताना एक जेसीबी उलटला. हा जेसीबी रस्त्याच्या मध्यभागी उलटल्यामुळे दोन्ही ठिकाणची वाहतूक बंद झाली आहे. महामार्गाची वाहतूक ठप्प झाल्याने रस्त्यावर वाहनांच्या लांबच लांब रांगा लागल्या आहेत. जेसीबी बाजूला करण्याचे काम युद्ध पातळीवर सुरू आहे. गेल्या अर्धा तासापासून वाहतूक ठप्प आहे.