कल्याण- शीळ रोडवरील वाहतूक कोंडीचा फटका नागरिकांसह शाळकरी मुलांना बसत आहे. या वाहतूक कोंडीमुळे शाळांना सुट्टी जाहीर करण्यात आली. शासकीय यंत्रणांच्या समन्वयाआभावी कल्याण- शीळ रोडवर मोठी वाहतूक कोंडी होत आहे. याचा फटका आता सर्वांना बसताना दिसत आहे.

कल्याण - शीळ रोडवर मोठ्या प्रमाणात वाहतुकीची वर्दळ असते. कल्याण- शीळ रोडच्या रुंदीकरणाचे काम गेल्या अनेक वर्षांपासून सुरू आहे. त्यातच याच रस्त्यावर आता मेट्रोचे काम देखील हाती घेण्यात आले आहे. एमएमआरडीए, एमएसआरडीसी, एमएसईबी आणि वाहतूक पोलिस यांच्यात समन्वय नसल्याने या रस्त्यावर मोठ्या प्रमाणात वाहतूक कोंडी होत आहे.

आज सकाळी मेट्रोने बॅरिगेटिंग केल्याने मानपाडा रोड परिसरात मोठ्या प्रमाणात वाहतूक कोंडी झाल्याचे पाहायला मिळाले. या वाहतूके कोंडीचा फटका आजूबाजूच्या शाळांना देखील बसलाय. या परिसरातील विद्यानिकेतन शाळेने दुपारच्या सत्रातील पाचवी ते आठवीतल्या वर्गातील विद्यार्थ्यांना सुट्टी जाहीर केली आहे.