मुंबईतल्या चिंचपोकळी परिसरात उंच इमारतीला भीषण आग लागल्याची घटना समोर आली आहे. चिंचपोकळीतील बी ए रोडवरील ग्रेड इन्स्टा मिलनजीकच्या सासलेट बिल्डिंगला भीषण आग लागली. सकाळी अकराच्या सुमारास ही आग लागली. आग लागल्याचे कारण अस्पष्ट आहे.

चिंचपोकळीचा परिसरात मोठी वर्दळ असते. याच ठिकाणी असणाऱ्या सासलेट या उंच बिल्डिंगला अचानक आग लागल्यामुळे खळबळ उडाली. इमारतीच्या वरच्या मजल्यांना ही आग लागली. आग वाढत चालली आहे. आगीची माहिती मिळताच अग्निशमन दलाच्या १० ते १२ गाड्या घटनास्थळी दाखल झाल्या आहेत. अग्निशमन दलाकडून आग विझवण्याचे शर्थीचे प्रयत्न सुरु आहेत.