मुंबईत आगीचं सत्र सुरुच आहे. मुंबईच्या अंधेरी पूर्व भागात मोठी आग लागली आहे. पश्चिम द्रुतगती महामार्गाजवळील गुंदवली येथील महापालिकेच्या दवाखान्यामागील पार्किंगमध्ये आग लागल्याची घटना घडली. या आगीत ४ ते ५ गाड्या जळल्याची प्राथमिक माहिती हाती आली आहे.

अंधेरीत आग लागल्याची माहिती मिळताच अग्निशमन दलाच्या २ गाड्या घटनास्थळावर दाखल झाले आहेत. आगीवर नियंत्रण मिळवण्याचे युद्ध पातळीवर प्रयत्न सुरू आहेत. आग नेमकी कशामुळे लागली याचा शोध घेण्याचे काम अंधेरी पोलिस आणि अग्निशमन दलाकडून सुरू झालं आहे.