मुंबईमध्ये पुन्हा एकदा मराठी माणसावर अन्याय झाला आहे. अमराठी मालकाकडून मराठी तरुणाला मारहाण करण्यात आली आहे. त्यामुळे शिवसेना ठाकरे गटाच्या पदाधिकाऱ्यांनी कंपनीला आणि कंपनीच्या मालकाला जाब विचारला आहे. कंपनी मालकाच्या भावाने या तरुणाची माफी मागितली आहे.

मुंबईत मराठी माणसावर अन्याय होण्याच्या आणि मराठीचा अपमान करण्याच्या घटना दिवसेंदिवस वाढत आहे. गेल्या काही दिवसांपासून या घटनांमध्ये वाढ झाली आहे. त्यातच आता पुन्हा एकदा अशीच घटना उघड झाली आहे. मुंबईत एका मराठी तरुणाला अमराठी कंपनी मालकाकडून जबर मारहाण करण्यात आली आहे. या प्रकारची माहिती मिळताच संतप्त शिवसेना ठाकरे गटाच्या पदाधिकाऱ्यांनी कंपनीत जाऊन या कंपनी मालकाला घडलेल्या प्रकाराचा जाब विचारला आहे. यानंतर मालकाच्या भावाने घडलेल्या प्रकाराबाबत तरुणाची माफी मागितली आहे. या संपूर्ण प्रकरणाचा व्हिडिओ सध्या व्हायरल होत आहे.