मुंबई : मराठा आरक्षणाच्या मागणीसाठी आज मुंबईत मराठा क्रांती मोर्चाने आंदोलन केलंय. यावेळी रमेश केरे म्हणाले की, मराठा समाजाला ओबीसीमधून आरक्षण द्या अशी मागणी केलीय. आतापर्यंत मराठा क्रांती ठोक मोर्चा मराठा समाजाच्या प्रत्येक आंदोलनात सहभागी झालाय. मनोज जरांगे यांना वेळोवेळी पाठिंबा दिला आहे. येणाऱ्या काळात देखील ज्या-ज्या वेळेस आंदोलन केलं जाईल, तेव्हा मराठा क्रांती ठोक मोर्चा तुमच्यासोबत असेल असं रमेश केरे यांनी जरांगे पाटलांना सांगितलं आहे.

प्रकाश आंबेडकर म्हणाले की, या आंदोलनाच्या मागे शरद पवार आहेत. मातोश्रीवर आंदोलन करायला गेल्यास ते म्हणतात आमच्या पाठीमागे भाजप आहे. सगळ्या पक्षांनी एकत्रित या आणि मराठा समाजाला ओबीसीमधून आरक्षण द्या, अशी मागणी मराठा क्रांती ठोक मोर्चाचे आंदोलक रमेश केरे यांनी केली आहे. जरांगे पाटलांना प्रत्येक आंदोलनात आमचा पाठिंबा असेल, असं केरे पाटील यांनी सांगितलं आहे. आता मराठा आरक्षणाच्या मुद्द्यावरून मुंबईत देखील वातावरण तापत असल्याचं समोर आलंय.