ओबीसी समाजाप्रमाणे मराठा समाजाला सवलती मिळणार आहेत. त्यामुळे मराठा आंदोलक मनोज जरांगे पाटलांनी मुख्यमंत्री फडणवीसांचं कौतुक केलं. मात्र यावेळी त्यांनी कुणबी दाखल्यांचं काय असा सवाल विचारला आहे. तर मराठा सामाजिक मागास असल्याचा अहवाल कुणी दिला...? असा सवाल ओबीसी नेते लक्ष्मण हाकेंनी उपस्थित करत सरकारच्या निर्णयाला विरोध केलाय.

मनोज जरांगे यांच्या आंदोलनाला बळी पडून राज्य सरकार मराठा समाजाला ओबीसी समाजाच्या जशाच्या तशा योजना लागू करत आहे. मराठा समाजाला कुणी सामाजिक मागासलेले ठरवलं अस. असं काही अहवाल कोणी दिला आहे का असा सवाल ओबीसी नेते लक्ष्मण हाके यांनी पुण्यात पत्रकार परिषद घेत राज्य सरकारला विचारला आहे. ओबीसी समाजासाठी आणि मराठा समाजासाठी राज्य सरकारने किती कोटी रुपये खर्च केले आहेत याची शासनाने श्वेत पत्रिका काढायला हवी अशी मागणी देखील लक्ष्मण यांनी केली आहे.