कालपासून मुंबईत मराठा आरक्षणासाठी आंदोलन सुरु आहे. हजारो मराठा आंदोलक मुंबईत दाखल झाले. काल दिवसभर त्यांनी वेगवेगळ्या ठिकाणी आश्रय घेतला. मात्र, मराठा आंदोलकांचे रात्री प्रचंड हाल झाले. काल सीएसएमटी भागातील सर्व दुकाने बंद असल्याने त्यांचे खाण्यापिण्याचे हाल झाले. याचसोबत त्यांना झोपण्यासाठी सोय नव्हती. अनेक मराठा आंदोलक सीएसएमटी स्थानकात, भुयारी मार्गात, रेल्वे स्टेशनवर झोपलेले पाहायला मिळाले. अनेकांनी बीएमएसी कार्यालयासमोर अंथरुण करुन झोपले. तर अनेकांनी वेगवेगळ्या ठिकाणी पुलाच्या खाली झोपण्यासाठी आश्रय घेतला. काल मराठा आंदोलकांना खाण्यापासून ते रात्री झोपण्यासाठी खूप त्रास सहन करावा लागला. चेंबुरमध्येही अनेक मराठा आंदोलकांनी आश्रय घेतला. रात्री रस्त्यावर ब्रिजखाली त्यांनी जेवण केले आणि तिथेच झोपले. याचसोबत अनेक मराठा आंदोलक ट्रक, टेम्पोमध्ये झोपल्याचेही पाहायला मिळत आहे.