तुम्ही जर हार्बर रेल्वेमार्गाने प्रवास करत असाल, तर तुमच्यासाठी अत्यंत महत्वाची बातमी आहे. हार्बर मार्गावरील लोकलसेवा विस्कळीत झाली आहे. वाशी रेल्वेस्थानकाजवळ ओव्हरहेड वायर तुटल्याने मोठा खोळंबा झालाय. पनवेल येथून सीएसएमटीकडे आणि सीएसएमटीकडून पनवेलकडे जाणाऱ्या अनेक लोकल गाड्या ठप्प झाल्या आहेत.

तर काही लोकल उशिराने सुरु आहे. त्यामुळे प्रवाशांचा मोठा खोळंबा होत आहे. सध्या रेल्वे प्रशासनाकडून दुरुस्थीचे काम सुरू आहे. प्रवाशांनी संयम बाळगावा, असे आवाहन करण्यात आले आहे. मिळालेल्या माहितीनुसार, वाशी रेल्वेस्थानकाजवळ ओव्हरहेड वायर तुटल्याने लोकलच्या वाहतुकीचा मोठा खोळंबा झालाय.

पनवेल येथून सीएसएमटी आणि सीएसएमटीकडून पनवेलकडे जाणाऱ्या लोकल ट्रेन तब्बल 25 ते 30 मिनिटे उशिराने धावत आहेत. त्यामुळे हार्बर मार्गावरील अनेक स्थानकांवर प्रवाशांची मोठी गर्दी झाली आहे. भल्यापहाटे कामावर निघालेल्या व्यक्तींना मोठा मनस्ताप सहन करावा लागत आहे.