मराठमोळी सोशल मीडिया इन्फ्लूएन्सर मानसी सुरवसेसोबत तिच्या राहत्या इमारतीत एक धक्कादायक घटना घडली आहे. ती व्हिडिओ रेकॉर्ड करत असताना एका अल्पवयीन मुलाने तिच्याशी गैरवर्तन करण्याचा प्रयत्न केला. संतप्त झालेल्या मानसीने तात्काळ त्या मुलाला कानशिलात लगावली. विशेष म्हणजे ही संपूर्ण घटना तिच्या व्हिडिओमध्ये कैद झाली आहे.

ही घटना घडल्यानंतर मानसीने संबंधित व्हिडिओ त्या मुलाच्या कुटुंबियांना दाखवला. त्यावर त्या कुटुंबीयांनी त्या मुलाचे मानसिक संतुलन ठीक नसल्याचे कारण पुढे केले. मात्र सोशल मीडियावर यावर विविध प्रतिक्रिया उमटत असून अनेकांनी मानसीच्या धाडसाचे कौतुक केले आहे.

सध्या हा व्हिडिओ सोशल मीडियावर वेगाने व्हायरल होत असून महिलांच्या सुरक्षिततेबाबत आणि समाजातील संवेदनशीलतेबाबत पुन्हा एकदा प्रश्नचिन्ह निर्माण झाले आहे.