वादग्रस्त IAS प्रोबेशनरी अधिकारी पूजा खेडकर यांच्या आई मनोरमा खेडकर यांना अटक करण्यात आली आहे. शेतकऱ्याला पिस्तूल दाखवून धमकावल्याप्रकरणी पोलिसांनी मनोरमा खेडकर यांच्या विरोधात गुन्हा दाखल केला होता. परंतु मनोरमा खेडकर या गेले काही दिवस फरार होत्या, तर आता त्यांना महाडमधील हिरकणीवाडी येथील एका हॉटेलमधून ताब्यात घेण्यात आलं आहे. खेडकर दाम्पत्य महाडमधील लॉजवर खोट्या नावाने लपून होते अशी माहिती समोर येत आहे. तर आता मनोरमा खेडकर यांना अटक करण्यात आली असून दिलीप खेडकर यांना चौकशी साठी ताब्यात घेण्यात आलं आहे.