बीड: मनोज जरांगेंच्या (Manoj Jarange) बीडमधील शांतता रॅलीत हजारो मराठा बांधवांनी सहभाग घेतला. या सभेत जरांगेंनी अनेक मुद्द्यांवर भाष्य केलं. आज जरांगेंच्या शांतता रॅलीचा 6 वा दिवस होता.दरम्यान बीडच्या सभेत मनोज जरांगेंनी गिरीश महाजन यांच्यावर देखील गंभीर आरोप केलेत, गिरीश महाजन (Girish Mahajan) माणसांना फसवतात असं जरांगे भर सभेत म्हणाले.तसेच मराठ्यांना आता आरक्षण दिलं नाही तर मराठे काय करतील ते पाहा.. असा थेट इशाराच जरांगेंनी बीडच्या सभेतून सरकारला दिलाय. तसेच सभेतून छगन भुजबळ (Chhagan Bhujbal) यांच्यावर देखील जरांगेंनी जोरदार हल्लाबोल केला आहे.