योगेश काशीद, साम टीव्ही

बीड: राज्याची धाकटी पंढरी म्हणून ओळखले जाणारे तीर्थक्षेत्र श्रीक्षेत्र संस्थान नारायण गड येथे मराठा आंदोलक मनोज जरांगे पाटील व गडाचे महंत शिवाजी महाराज यांच्या हस्ते विठ्ठल रुक्मिणी व श्री संत कुलभूषण महात्मा नगद नारायण महाराज महापूजा पार पडली. यावेळी मराठा आंदोलक मनोज जरांगे पाटील यांनी विठुरायाकडे आणि नगद नारायण महाराज यांच्याकडे साकडे घातले आहे की राज्यातील सर्व शेतकरी सुखी ठेवावा त्याचबरोबर या ठिकाणी पवित्र ठिकाण असल्यामुळे राजकीय आरक्षणाचा विषय मी बोलणार नाही.

मात्र, आरक्षणाचे देखील साकडे विठुराया कडे घातले आहे. सरकारला चांगली सद्बुद्धी द्यावी. मी प्रत्येक वेळेस देवाकडे आरक्षणासंदर्भात साकडे घालतो. मात्र, पुढचे तसे लागतात त्याच्यामुळे पवित्र ठिकाणी तो विषय नको त्याचबरोबर गडाचे महंत शिवाजी महाराजांनी देखील राज्यातील संपूर्ण शेतकरी राजा सुखी हो अशी प्रार्थना यावेळी केली आहे.