मराठा आंदोलक मनोज जरांगे पाटील यांनी लोकसभेनंतर आता आगामी विधानसभा निवडणूकीसाठी कंबर कसली आहे. लोकसभेत प्रत्यक्ष उमेदवार न देता पडद्यामागून त्यांनी काम केल्याचे पाहायला मिळाले. आताही ते आगामी विधानसभा निवडणुकीसाठी सज्ज झाले असून, उमेदवार देणार असल्याचे त्यांनी घोषित केले आहे.

मनोज जरांगे यांनी पुण्यातील विधानसभा मतदारसंघाचा अहवाल मागवला आहे, ११ ऑगस्ट रोजी पुण्यात शांतता रॅलीचे आयोजन करण्यात आले होते याचवेळी बोलताना त्यांनी मराठा समाजातील बांधवांसाठी विधानसभा निवडणुकीत मराठा बांधवच उमेदवार म्हणून देऊ अशी घोषणा केली होती. त्यानुसारच २९ तारखेला जरांगे काय निर्णय घेतात याकडे लक्ष लागले असतानाचं, त्यांनी कोणत्या मतदार संघात किती मतदार आहेत आणि मतदारसंघाची काय गणिते आहेत हे जाणून घेण्यासाठी पुण्यातील मतदार संघाचा अहवाल मागवला आहे.