पुणे : मराठा आंदोलनाचे नेते मनोज जरांगे पाटील हे पुणे न्यायालयामध्ये हजर झाले. न्यायालयाने त्यांना 2013 साली कोथरूड पोलीस ठाण्यात दाखल असलेल्या एका फसवणुकीचा गुन्ह्यामध्ये वॉरंट बजावले होते. त्यानंतर ते न्यायालयासमोर न्यायालयात हजर झालेत. दरम्यान या संदर्भात जरांगे पाटील यांच्याशी संवाद साधला असता त्यांनी महत्त्वाची प्रतिक्रिया दिली. न्यायालयाच्या समोर सर्व समान आहेत, असं जरांगे यांनी म्हटलंय. न्यायालयाच्या आदेशाचे पालन करण्यासाठी मी न्यायालयात हजर झालो आहे. याविषयी अधिक बोलणे योग्य होणार नाही, असं जरांगेंनी म्हटलंय. मनोज जरांगे पाटील यांच्या शिवबा संघटनेने 2013 साली एका नाटकाचे आयोजन केलेलं. या नाटकाचा प्रयोग झाल्यानंतर त्याचे पैसे देण्यात आले नव्हते, असा आरोप आहे. याप्रकरणी न्यायालयामध्ये तक्रार दाखल करण्यात आली होती.